Daddy,

Hnub no ua li cas kuv cia li nco koj ua luaj? Kuv rov qab saib daim slideshow video txog koj es hnov koj lub suab xwb mas ua rau ntws kua muag. Koj puas paub hais tias koj twb xiam ntev tshaj qhov sij hawm uas peb paub hais tias koj mob cancer lawm nab? Cav zoo li lub sij hawm mus sai kawg nkaus tiamsis lub siab tseem nco koj tshaj lawm thiab. Koj puas hnov kuv thov rau koj thaum kom koj pov hwm kuv thiab Fumyej wb thaum wb nce nyahoom mus xyuas tebchaws, nab, Daddy? Thaum twg kuv hu koj muas, tsis xav los, cas kua muag twb ntws lawm na. Kuv tsis tau xav txog hais tias thaum tseem hluas npaum li no es twb hu kuv txiv pom hwm kuv lawm.

Txiv, koj puas hnov kuv niam hu rau koj thiab na? Nws tseem nco koj tshaj plaws, nws tsis paub ua dab tsi tag lawm. Nws nyob hauv tsev los kho siab tshaj plaws. Tsis hais kuv niam xwb, tag nrho peb cov menyuam los yeej nco koj ib tug mus rhau ib tug tibsi. Koj puas pom koj tus nkauj ntxawm xa paj tuaj rau koj txhua lub sij hawm? Koj puas pom Susie nqa khoom txom ncauj tuaj rau koj txhua txhua lub vasthis? Koj puam pom cov pob zeb liab es Xeem thiab txiv laus nkawv nqa puag nram Colorado tuaj rau koj los? Losis thaum Vam, Mim, thiab lawv cov menyuam tuaj quaj thiab tuaj phlws cov daim txiag pob zeb es quaj vim lawv tsis muaj txiv lawm na. Tej zaum kuv xav rau kuv tus kheej hais tias, tsuav yog kuv txiv tsis txom nyem xwb ces txawm kuv quaj thiab nco kom npaum li cas los, tsuav tus mob kov tsis tau koj ces, kia peb cov nyob tom qab no quaj xwb. Cia koj tau lub kev vam meej thiab kev zoo siab xwb.

Daddy, kuv twb tag kuv txoj hawm lwm nram lub haumaum qub lawm ces los so ib ntus saib ntawv ces mam pib txoj tshiab thaum lub 9 hli no. Yog koj tseem nyob ma ntshe kuv twb tuaj tos koj mus nus ntsev lawm....

Tus ntxhais ua nco nws Txiv lub suab luag,
Kuv